欢迎您 | 昆士兰时间 2020-08-03 5:05PM

澳洲权威机构认证旅行社

AFTA Member

认证旅行社
12072

ATAS Council

认证旅行社
A11766

ATEC Member

认证旅行社
0172014

Select Member

Select Travel Group
旅游集团

PhonePhone澳洲及海外: +61 7 5532 7407 ((周一至周六))

EmailEmail咨询电邮: [email protected] (一天內回覆)

亮的Cairns刺激之旅

黎左澳洲咁耐,终於有机会可以叉电,难得既係可以同两个xx(请相关人士自行填写)一齐,呢个情况同以前中学毕业去长洲过夜冇分別,一样笑料不绝,kai既继续kai, 丧的继续丧,唯一唔同既係,地点唔係长洲,係澳洲!!


到左cairns之前,我已经搜寻好不同旅行社的相关资料,经朋友及网上推介后,我选择了澳洲自由行旅行社FIT Travel(www.fittravel.com.au)因为相对比较便宜,而且配合度高,为我地度出新奇刺激好玩的旅程──跳伞,潜水,激流!!你地都可以上去网页睇下,如果有特別要求,可以电邮佢地话你知你要既野,佢地会帮你编写適合你既旅程!!


第一日係跳伞,应该係咁多个活动中最激既活动,难得黎澳洲,梗係乜都试啦!我諗成个过程最惊既,唔係跳落黎既个一 下,而係准备跳既过程,由早上等巴士到达目的地,个心都会卜卜咁跳(可能我细胆啦).去到著晒装备,等待上机,再到机上等待,就係最攞命既时候.最过癮就 係你睇住你既朋友跳楼,唔係,係跳机个一下,你心里面会想,仲会唔会见到佢?答案都未諗到,下一个就到我啦!好快就已经用一个体操选手既前空翻加自转360跳 机,开头个几秒係最惊既,但係好快你就会適应左,然后你会諗,究竟有咩动作可以对住个钟头做呢?想跳伞既朋友仔,你地都可以諗定先!!细细个读书个阵,读 到有篇课文讲个小朋友搭飞机途中,顺手带走一片云,而家我直头穿越云层,原来係一阵冷冰冰的感觉,呢种感觉应该唔会再试到第二次,当有机会试,就好好记住 佢啦,当然,前空翻加自转360都要记住啦,平时做左一半你已经係地下...


第二日就係潜水,黎到世上最出名的大堡礁,梗係要试下潜水落去睇下有啲咩野啦!除了珊瑚,还是珊瑚,仲有小丑鱼 既!!係海底既感觉好平静,城市人压力咁大,应该要搵个地方舒缓一下架啦!潜完水后,仲可以玩埋浮潜,如果你够大胆同熟水性,都可以潜入海底再次近距离观 望珊瑚,亦都可以同海洋动物玩游戏,係鱼缸外面望鱼游黎游去就见得多,而家係係个大鱼缸入面同啲鱼一齐游就真係唔係咁多机会啦,哈哈!


最后一个活动就是激流,亦都係最好玩的日个活动,咁好玩除了本身钟意玩水外,教练亦都係一个好重要既因素,风趣幽 默靚仔又玩得(利申:我係钟意女人的),所以呢个激流特別深刻,比上次在马来西亚的沙巴玩的那一次,更加好玩.而且中间有一个环节,係俾我地自由选择的, 就是上崖后跳崖,睇落好似好易咁,跳一跳就到水里,好简单,但係到你跳既时候,你只脚就好似树根咁,离唔开个石头.当然,最后成功刻心理恐惧,完成呢个创 举啦!


呢一个旅程感受好深,除了活动好玩刺激,更加主要的原因係你同边个去玩.去边度做乜野,冇所谓,最紧要就係同到一班志同道合,乜野都讲得既朋友一齐去,个旅程先会美满!


因为激流冇带相机既关係,所以係冇相既,但係真係好值得去玩,如果有钱既话,我都想玩多一次!!!!

在线諮询

Wechat ID: FIT_TRAVEL_AU

WeChat QR

LINE ID: fit_travel

Line QR

客服线上时间


昆士兰时间


週一至週六


9:00am-17:30pm


北京/臺北/香港时间


07:30am-15:30pm

欢迎支付

QR Code

欢迎使用

支付宝 微信支付

澳洲及海外

+61 7 5532 7407

咨询电邮(一天內回覆)

[email protected]

TOP